/110/ divinam non patratur, quia non
prohibente illa. Dices: Vult igitur Deus peccatum.
Permissive concedo. Ergo facit. Consequentiam
nego. Permissio enim non est
sufficiens causa ad effectum.
EXERCITATIO XVII
Pro solutione quarti argumenti.
Quartum argumentum his proponebatur
terminis: De possibilibus Deus
et Natura semper faciunt quod est melius.
At possibile est et melius nulla omnino in
mundo vigere scelera. Deberet igitur id
factitare Deus ut ex universo orbe omnis peccatorum
sentina exoneraretur: at negligit;
invidus ergo est vel improvidus.
Respondent Stoici negando primam partem
minoris propositionis. Existimant namque
impossibile esse ut orbis careat sceleribus,
cum omnibus indita sit a Natura ad
peccandum potentia et proclivitas quaedam:
ad actum igitur perduci debet, ne conditoris
frustranea sit intentio et supervacua.
Sed ineptissime eos et insulsissime ratiocinari
ostendemus infra.
Platonici falsum esse aiunt alterum minoris
membrum. Plato namque in Timaeo
Indice
|
Pagine introduttive |
|
EXERCITATIONES |